बागलुङ । अखिल नेपाल युवक संघ बागलुङका जिल्ला सदस्य श्रीप्रसाद थापाले कथित राजमो केन्द्रीय समन्वय समितिमा आफ्नो संलग्नता नरहेको स्पष्ट पार्नुभएको छ ।
राष्ट्रिय जनमोर्चा, केन्द्रीय समन्वय समिति नामक पार्टीले उहाँलाइ केन्द्रीय सदस्य बनाएपछि थापाले त्यसप्रति आपत्ति प्रकट गर्नुभएको छ । थापाले मंगलबार एक विज्ञप्ति प्रकाशित गरी सो समूहप्रति आफ्नो सहमति, संलग्नता नरहेको स्पष्ट पार्नुभएको हो ।
विज्ञप्तिमा उहाँले भन्नुभएको छ, ‘२०७८–१०–१६ गतेका दिन राजमो केन्द्रीय समन्वय समितिको भेलाद्वारा केन्द्रीय समितिको सदस्य पदमा मेरो नाम जोडिएर सामाजिक सञ्जाल मार्फत सार्वजनिक भएको हुनाले उक्त पार्टीमा कुनै पनि समितिमा मेरो कुनै सहमति, संग्लन नरहेको हुनाले यसबाट भ्रम नपर्न हुनको लागि विनम्र जानकारी गराउँछु ।’
सो समूहले राष्ट्रिय जनमोर्चामा आवद्ध विभिन्न नेता कार्यकर्तालाई आफ्नो पार्टीको केन्द्रीय समितिमा राखेपछि उहाँहरुले विरोध जनाउँदै त्यससँग सरोकार नरहेको स्पष्ट पार्नुभएको छ ।
यसअघि बागलुङकै वीरेन्द्र थापा, वीरेन्द्र थापा (भागिन्द्र) र बाँकेकी मोमिना खातुनले विज्ञप्ति प्रकाशित गरी भ्रमको खेती नगर्न चेतावनी दिनुभएको छ ।
- फुटपरस्त तत्त्वप्रति सहमति, संलग्नता छैन : वीरेन्द्र थापा
- म राष्ट्रिय जनमोर्चामै छु, भ्रम सिर्जना नगरियोस् : मोमिना खातुन
