खिमराज चालिसे, चंडिगढ ।
मूल प्रवाह अखिल भारत नेपाली एकता समाज चंडिगढ नगर समितिका सदस्य शमशेर केसीको प्रवासबाट विदाइ गरिएको छ । पञ्जाबको चंडिगढस्थित इन्डस्ट्रीयल एरिया अन्तर्गत सेक्टर २८ मा बसोवास गरि गल्फकल्वमा कार्यरत शमशेर केसी स्वदेशको जनतान्त्रिक आन्दोलनमा प्रत्यक्ष सहभागी भइ काम गर्ने इच्छानुरूप स्वैच्छिक सेवानिवृत हुनुभएको हो ।
केसी १९९१ मा फरिदावादबाट एकता समाजको सदस्यता लिए पनि १९९५ मा चंडिगढको किसनगढ टोल समितिमा आवद्ब भइ निरन्तर क्रियाशील रहँदै हाल नगरसमितीको सदस्य, इन्डस्ट्रीयल एरिया समिति अध्यक्ष तथा नगर खेल विभागको कोषाध्यक्षलगायत विभिन्न जिम्मेवारी बहन गर्दै आउनुभएको थियो ।
उहाँलाई मूल प्रवाह केन्द्रीय सदस्य दिनेश खडका र केन्द्रीय सल्लाहकार एवम् नेपाली समाचारका संयोजक खिमराज चालिसेले संयुक्त रुपमा फूलको हार पहिनाइ स्मृति चिन्ह प्रदान गरी सम्मान गर्नुभएको थियो । केन्द्रीय सदस्य खडकाले उहाँको योगदानबारे चर्चा गर्नुभएको थियो ।
कार्यक्रममा मूल प्रवाहका क्षेत्रीय सल्लाहकार एवम् महिला क्षत्रीय विभागकी सचिव जुना चालिसे, महिला क्षत्रीय सदस्य एवम् नगर संयोजक माया आचार्य, सदस्य सिमा खडका, मूल प्रवाह नगर अध्यक्ष मानबहादुर केसी, सचिव तेजबहादुर रोका, एडवोकेट तथा विद्यार्थी क्षेत्रीय अध्यक्ष माधव पोख्रेल लगाएत नगर, एरिया तथा टोलका कार्यकर्ताहरुले टीका लगाएर सम्मान गर्नुभएको थियो ।
नगर अध्यक्ष मानबहादुर केसीको अध्यक्षतामा तथा सहसचिव थानेश्वर पाण्डेको सञ्चालनमा सम्पन्न कार्यक्रममा नगर कोषाध्यक्ष किसन खनालले स्वागत गर्नुभएको थियो।
दाङको राप्ती गाउँपालिका वार्ड नम्बर ८ पीपरी, सिसेनियाका स्थायी बासिन्दा शमशेर केसीले आफू स्वदेशमा गएर राष्ट्रिय जनमोर्चाको झण्डामुनी गोलबद्ध भइ जनतान्त्रिक आन्दोलनमा योगदान पुर्याउने प्रतिवद्धता व्यक्त गर्नुभएको थियो ।
