खुम रायामाझी, कुवेत ।
कुवेतको अब्दली बोर्डर साइडमा गत २५ जनवरी २०२१ का दिन मानव कङ्काल फेला परेका नेपालीको भएको आशंका गरिएको छ ।कुवेतस्थित नेपाली दूतावासले सो कंकाल नेपालीको भएको जनाएपनि पहिचान हुन नसकेको स्पष्ट पारेको छ ।
नेपाली राजदूतावास, कुवेतका द्वितिय सचिव श्रीकृष्ण सिलवालले अव्दलीमा फेला परेको कंकालको कपडामा भेटिएका प्रमाणको आधारमा उक्त शव नेपालीको भएको आशंका गरिए पनि अनुसन्धान गरिरहेको सम्बन्धित निकायले लिखित विवरण राजदूतावास पठाएको छैन ।
‘उक्त घटनाकोबारे गहिराइसम्म पुग्नको लागी हामीले प्रक्रियागतरुपमा समन्वय गरिरहेका छौं’ सचिव सिलवालले भन्नुभयो, ‘यहाँको प्रहरी तथा फौजदारी घटना विभागले सत्यतथ्य पत्ता लगाउन अनुसन्धान र मेडिकलका विभिन्न विधीहरुबाट जाँच भई मृत्युवारे वास्तविकता पत्ता लगाइसकेपछी मात्र अन्य जानकारी दिन सकिने बताएको छ।’
(*यसअघि ‘कुवेतको अव्दलीमा भेटिएको कङ्काल नेपाली नागरिक भएको खुलासा’ शिर्षकको समाचारमा स्रोतले दिएको जानकारीका आधारमा एक नेपालीको भएको बताइएपनि दूतावासले त्यसको खण्डन गरेका कारण सच्याइएको छ– सम्पादक)
