नवराज पौडेल/कपिलवस्तु ।
राष्ट्रिय जनमोर्चा कपिलवस्तुले बुद्धभूमि नगरपालिकाको एमलियामा पर्चा वितरण गर्नुको साथै कोणसभा सम्पन्न गरेको छ ।
सभालाई राष्ट्रिय जनमोर्चा जिल्ला कोषाध्यक्ष चेतनारायण खनाल, राजमो जिल्ला सल्लाहकार तथा अखिल नेपाल ट्रेड युनियन महासङ्घ (अन्टुक) का केन्द्रीय सदस्य केरसिंह अदैले सम्बोधन गर्दै देशको राजनीतिक अवस्था अन्यौलतामा फसेकाले जनता सचेत हुनुपर्ने बेला आएको बताउनुभयो ।
उहाँहरूले नेकपाको पदीय लडाइँले देशमा सङ्कट पैदा भएको भन्दै पार्टीभित्रको आन्तरिक लडाइँले गर्दा प्रतिनिधि सभा नै विघटन गर्नु केपी ओलीको असंवैधानिक कदम रहेको आरोप लगाउनुभयो ।
राजमो जिल्ला सदस्य तथा शिवराज नगर समितिका अध्यक्ष केहरसिंह पुनको सञ्चालनमा कार्यक्रम समपन्न भएको थियो ।,
त्यस्तै, राजमो कपिलवस्तुले यही माघ ५ गते देखि १० गते सम्म कोणसभा, ११ गते देखि २५ गते सम्म सङ्गठनात्मक अभियान र माघ ३० गते जिल्लाको गोरुसिंगेमा बुहतु र्यालीसहित विरोधसभा गर्ने राजमो कपिलवस्तुले जनाएको छ ।
यो पनिः
