काठमाडौं । नेपालमा पछिल्लो २४ घण्टामा थप १ हजार ६६९ जनामा कोरोना भाइरसको संक्रमण पुष्टि भएको छ । आइतबार स्वास्थ्य तथा जनसंख्या मन्त्रालयले देशभरमा थप १ हजार ६६९ जनामा कोरोना भाइरसको संक्रमण पुष्टि भएको जानकारी दिएको हो ।
मन्त्रालयका प्रवक्ता डा. जागेश्वर गौतमका अनुसार सक्रिय संक्रमितको संख्या १९ हजार ९६३ रहेको छ । पछिल्लो २४ घण्टामा ८ हजार ३२ पीसीआर परीक्षण गरिएको थियो ।
मन्त्रालयका अनुसार पछिल्लो २४ थप ५ हजार ६९९ निको भएका छन् । योसँगै निको हुनेको संख्या १ लाख ९९ हजार २५ पुगेको छ । यो कुल संक्रमितको ९०.३ प्रतिशत हो ।
काठमाडौँ उपत्यकामा थपिए ९५७ कोरोना संक्रमित
काठमाडौँ उपत्यकामा पछिल्लो २४ घण्टामा थप ९५७ जनामा कोरोना भाइरसको संक्रमण पुष्टि भएको छ । प्रवक्ता गौतमका अनुसार काठमाडौँमा ७३३, भक्तपुरमा ५३ र ललितपुरमा १३१ जनामा कोरोना पुष्टि भएको हो ।
