काठमाडौं । नेपालमा कोरोना संक्रमणबाट थप १७ जनाको ज्यान गएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा १७ जनाले ज्यान गुमाएका हुन् ।
नेपालमा १ लाख ७९ हजार २ सय ४२ जना संक्रमणमुक्त भएका छन् भने १२ सय ४७ जनाको मृत्यु भइसकेको छ। यही अवधिमा निको हुनेको संख्या भने २८ सय ७८ रहेको छ।
मन्त्रालयका अनुसार आज थप ५०२ जनालाई कोरोना संक्रमण देखिएको छ। तीन हजार १ सय १२ जनामा परीक्षण गर्दा उक्त संख्यामा संक्रमित थपिएका हुन् ।
नेपालमा २ लाख ११ हजार ४७५ कुल संक्रमित मध्ये हाल ३० हजार ९ सय ८६ जना सक्रिय संक्रमित छन।
काठमाडौंमा थप ३३९ जनामा कोरोना संक्रमण
काठमाडौं उपत्यकामा पछिल्लो २४ घण्टामा ३३९ जनामा कोरोना संक्रमण देखिएको छ। मन्त्रालयका अनुसार काठमाडौंमा २८९, भक्तपुरमा १२ र ललितपुरमा ३८ जनामा संक्रमण देखिएको हो।
योसँगै काठमाडौंमा १३ हजार ३२१, भक्तपुरमा ११३५ र ललितपुरमा २०७९ जना सक्रिय संक्रमित छन्। संक्रमणबाट काठमाडौंमा ३०६, भक्तपुरमा ७८ र ललितपुरमा ८६ जनाको निधन भइसकेको छ।
