काठमाडौँ । कोरोना सङ्क्रमण अमेरिकामा फेरि बढ्दै त भारतमा घट्दै गएको देखिएको छ । पछिल्लो तीन दिनको तथ्याङ्कमाथि विचार गर्ने हो भने यस्तो देखिएको हो ।
गैरसरकारी अनुसन्धान संस्था वल्र्डोमिटर्सका अनुसार २०७७ कार्तिक ९ गते बिहानसम्मको २४ घण्टामा अमेरिकामा ७८ हजार ६७१ नयाँ सङ्क्रमित थपिएका छन् । त्यहाँ हिजो बिहानसम्मको २४ घण्टामा ८१ हजार ४१४ जना नयाँ सङ्क्रमित थपिएका थिए भने अस्ति बिहानसम्मको २४ घण्टामा ७४ हजार ६७० जना नयाँ सङ्क्रमित थपिएका थिए ।
अमेरिकामा पछिल्लो २४ घण्टामा अमेरिकामा ७८४ जनाको मृत्यु भएको थियो; हिजो त्यहाँ ९०३ जनाको मृत्यु भएको थियो भने अस्ति ९७३ जनाको मृत्यु भएको थियो ।
आज बिहानसम्म अमेरिकामा ८८ लाख २७ हजार १५४ जना कुल सङ्क्रमित पुगेका छन् भने कुल मृतकको सङ्ख्या २ लाख ३० हजार ६८ पुगेको छ ।
यता, भारतमा पछिल्लो २४ घण्टामा ५० हजार २२४ जना नयाँ सङ्क्रमित थपिएका छन् । हिजो त्यहाँ ५४ हजार २८ जना र अस्ति ५४ हजार ४८२ जना नयाँ सङ्क्रमित थपिएका थिए ।
मृतकको तथ्याङ्कमा भारतमा पछिल्लो २४ घण्टामा ५७५ जनाको मृत्यु भएको थियो । हिजो त्यहाँ ६५६ जना र ६८३ जना नयाँ मृतक थपिएका थिए ।
हालसम्म भारतमा कुल सङ्क्रमितको सङ्ख्या ७८ लाख ६३ हजार ८९२ पुगेको छ भने कुल मृतकको सङ्ख्या १ लाख १८ हजार ५६७ पुगेको छ ।
हालसम्म विश्वभरिका २१७ मुलुकमा कुल सङ्क्रमितको सङ्ख्या ४ करोड २९ लाख १७ हजार ४५ पुगेको छ भने कुल मृतकको सङ्ख्या ११ लाख ५४ लाख ३०५ पुगेको छ । पछिल्लो २४ घण्टामा ४ लाख ५१ हजार ६८१ जना नयाँ सङ्क्रमित र ५ हजार ५९२ जना नयाँ मृतक थपिएका छन् ।
हालसम्म विश्वभरिबाट ३ करोड १६ लाख ५९ हजार ९८४ जना निको भएर घर फर्किसकेका छन् । हालसम्म विश्वभरिका कुल सङ्क्रमित १ करोड १ लाख २ हजार ७५६ पुगेको छ ।
