काठमाडौँ । नेपालमा पछिल्लो २४ घण्टामा थप ४ हजार ४९९ जनामा कोरोना भाइरसको सङ्क्रमण पष्टि भएको छ । स्वास्थ्य तथा जनसङ्ख्या मन्त्रालयका अनुसार पछिल्लो २४ घण्टामा देशभरमा थप ४ हजार ४९९ जनामा कोरोना सङ्क्रमण पुष्टि भएको हो ।
योसँगै नेपालमा कोरोना सङ्क्रमितको सङ्ख्या १ लाख ५३ हजार हजार ८ पुगेको छ । मन्त्रालयका अनुसार पछिल्लो २४ घण्टामा १६ हजार ८६३ पिसिआर परीक्षण गरिएको थियो ।
त्यस्तै पछिल्लो २४ घण्टामा थप २ हजार ६६८ जना कोरोना सङ्क्रमित निको भएका छन् । योसँगै निको हुनेको सङ्ख्या १ लाख ५ हजार ४८८ पुगेको छ ।
मन्त्रालयका अनुसार कुल सङ्क्रमितमध्ये ६८.९ प्रतिशत निको भएका छन् ।
यस्तै, शुक्रबार १७ जनाको मृत्युसँगै नेपालमा कोरोना सङ्क्रमणबाट मृत्यु हुनेको सङ्ख्या ८ सय २९ पुगेको छ ।
कुन जिल्लामा कति थपिए ?
स्वास्थ्य तथा जनसङ्ख्या मन्त्रालयका अनुसार उपत्यकाका तीन जिल्लाका २ हजार ७२० सहित देशभरमा थप ४ हजार ४९९ जनामा कोरोना पुष्टि भएको हो ।
शुक्रबार सबैभन्दा बढी काठमाडौँमा २ हजार ३५७ जनामा कोरोना पुष्टि भएको छ । यो कुल सङ्क्रमितको आधाभन्दा बढी सङ्ख्या हो ।
मन्त्रालयका अनुसार बढी सङ्क्रमित थपिने अन्य जिल्लामा ललितपुरका २३६ मोरङका २२३ , काभ्रेका १६१, रुपन्देहीका १५२, चितवनका १४९, सुनसरीका १३८, भक्तपुरका १२७ जना छन् ।
त्यस्तै दाङका ९२, बाँकेका ७९, झापाका ७४, मकवानपुरका ७१, कैलालीका ५३, सप्तरीका ४१, नवलपरासीका ४०, सिन्धुली र नवलपुरका २८/२८ जना, उदयपपुरका २७, दोलखाका २२, सिन्धुपाल्चोकका २१, रामेछापका २०, धादिङ र कपिलवस्तुका १६र१६ जना तथा धनुषा, रौतहट, सिराहा र गुल्मीका १४र१४ जनामा कोरोना सङ्क्रमण पुष्टि भएको छ ।
