काठमाडौं । नेपालमा पछिल्लो २४ घण्टामा थप ४ हजार ३९२ जनामा कोरोना भाइरसको संक्रमण पुष्टि भएको छ। शुक्रबार स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता प्राडा जागेश्वर गौतमले देशभरमा थप ४ हजार ३९२ जनामा संक्रमण पुष्टि भएको जानकारी दिनुभयो ।
त्यस्तै पछिल्लो २४ घण्टामा थप ३ हजार ५२२ जना संक्रमित निको भएसँगै अहिलेसम्म निको हुनेको संख्या ८८ हजार ४० पुगेको छ ।
डा. गौतमकाअनुसार आज देशभरमा सक्रिय संक्रमितको संख्या ३७ हजार ३८२ रहेको छ । त्यस्तै संस्थागत आइसोलेसनमा १२ हजार ३३६ जना रहेका छन् ।
पछिल्लो २४ घण्टामा थप १५ हजार ५३१ जनाको पीसीआर परीक्षण गरिएको थियो । यो कूल संक्रमितको ६९.८ प्रतिशत हो।
काठमाडौँ उपत्यकामा थपिए २४ सय २ संक्रमित
काठमाडौँ उपत्यकामा पछिल्लो २४ घण्टामा थप २ हजार ४०२ जनामा कोरोना भाइरसको संक्रमण पुष्टि भएको छ । प्रवक्ता डा. गौतमले उपत्यकाका तीन जिल्लामा थप २ हजार ४०२ जनामा संक्रमण पुष्टि भएको बताउनुभयो ।
प्रवक्ता गौतमका अनुसार उपत्यकाका काठमाडौंमा १ हजार ७८४ , भक्तपुरमा २४४ र ललितपुरमा ३७४ जनामा कोरोना पुष्टि भएको हो ।
