दाङ । दाङमा राष्ट्रिय जनमोर्चामा प्रवेशको लहरै चलेको छ । केही महिना यता सयौं जनाले राजमोको सदस्यता लिएका छन् । नव प्रवेशीहरु मध्ये कतिपय विभिन्न पार्टीमा रहेर सक्रिय भूमिका खेलिरहेका नेता कार्यकर्ताहरु समेत छन् ।
राजमोप्रति आकर्षण बढ्दै जाँदा पार्टी प्रवेश गर्नेहरु थपिँदै गएपछि पार्टी प्रवेश कार्यक्रमलाई व्यवस्थित गर्न लमहीका दुईवटा वडामा ‘पार्टी प्रवेश आयोजक समिति’ नै गठन गरिएको छ ।
लमही नगरपालिका वडा नं ७ र ८ मा ‘पार्टी प्रवेश कार्यक्रम आयोजक समिति’ गठन गरिएको राजमो जिल्ला अध्यक्ष गणेश आचार्यले जानकारी दिनुभयो ।
वडा नम्बर ७ को आयोजक समितिको संयोजक जगतराम चौधरी रहनुभएको छ भने सदस्यमा रामकुमार चौधरी, राजाराम चौधरी, जनकलाल चौधरी, निसा चौधरी, निरज चौधरी र अनिल चौधरी रहनु भएको छ ।
यसै गरि वडा नं ८ को संयोजक वसन्त घर्ती तथा सदस्यहरुमा आनन्द भण्डारी, दोर्ण बहादुर तामाङ, करन बिक, भुपेन्द्र बिक, आशिष चौधरी, सुरेश पुन मगर, सन्तोष बुढा मगर र तिलक केसी रहनु भएको छ ।
दुवै समिती निर्माणको क्रममा राजमो जिल्ला अध्यक्ष आचार्यले प्रशिक्षण दिँदै राष्ट्रिय जनमोर्चाका नीति तथा कार्यक्रम एवं देशको अवस्थाका बारेमा स्पष्ट पार्नुभएको थियो ।
यो पनिः
बङगलाचुलीमा पार्टी प्रवेशपछि युवालाई संगठित गर्दै युवक संघ
जारी छ दाङमा राष्ट्रिय जनमोर्चामा प्रवेश
दाङमा यसरी बढ्दै छ राजमोप्रति आकर्षण
दाङका पुराना कम्युनिष्ट नेता रविलाल पुन राजमोमा आवद्ध
बङगलाचुली–४ मा राष्ट्रिय जनमोर्चाको वडा समिति गठन
दाङ बङगलाचुली गाउँपालिकामा दर्जनौ युवा राष्ट्रिय जनमोर्चामा प्रवेश
