काठमाडौँ । भारतमा कोरोनाद्वारा मृत्यु हुनेहरूको सङ्ख्या एक लाख नाघेको छ । शनिवार बिहानसम्मको तथ्याङ्कअनुसार भारतमा १ लाख ८७३ जनाको मृत्यु भएको हो ।
अन्तर्राष्ट्रिय गैरसरकारी अनुसन्धानकर्ताहरूको संस्था वल्र्डोमिटर्सका अनुसार त्यहाँ गत चौबिस घण्टामा मात्रै १ हजार ६९ जनाको मृत्यु भएको छ ।
आजसम्म त्यहाँ कुल कोराना सङ्क्रमितको सङ्ख्या ६४ लाख ७१ हजार ७३४ पुगेको छ भने गत चौबिस घण्टामा मात्रै त्यहाँ ७९ हजार ७७४ जना नयाँ सङ्क्रमित देखा परेका छन् । त्यहाँ ९ लाख ४५ हजार ९१८ जना अझै पनि सक्रिय सङ्क्रमित रहेका छन् ।
भारतमा हालसम्म ५४ लाख २४ हजार ९४३ जना निको भएर घर फर्किसकेका छन् ।
विश्व तथ्याङ्कमा भारत सङ्क्रमित र मृतक दुवै हिसाबले दोस्रो स्थानमा छ । यता, सङ्क्रमितहरू निको भएर घर फर्कनेमा भने भारत पहिलो स्थानमा छ ।
सङ्क्रमित र मृतक दुवैमा पहिलो स्थान अमेरिकाको नै छ । त्यहाँ हालसम्म ७५ लाख ४८ हजार कुल सङ्क्रमित छन् भने पछिल्लो चौबिस घण्टामा ५० हजार ८७९ जना नयाँ सङ्क्रमित थपिएका छन् । त्यहाँ हालसम्म २ लाख १३ हजार ४९९ जनाको मृत्यु भएको छ भने गत चौबिस घण्टामा मात्रै ८३९ जनाको थप मृत्यु भइसकेको छ ।
अमेरिकामा ४७ लाख ७१ हजार ४८५ जना निको भएर घर फर्किसकेका छन् भने सक्रिय सङ्क्रमितको सङ्ख्या हालसम्म २५ लाख ६३ हजार ८०५ रहेको छ । यस आधारमा अमेरिकाको स्थिति अझै पनि गम्भीर रहेको देखिन्छ ।
ब्राजिल सङ्क्रमितको हिसाबले तेस्रो स्थानमा छ । त्यहाँ हालसम्म ४८ लाख ८२ हजार २३१ कुल सङ्क्रमित छन भने गत चौबिस घण्टामा त्यहाँ ३३ हजार २ जना नयाँ सङ्क्रमित थपिएका छन् ।
त्यस्तै ब्राजिल मृतकको तथ्याङ्कमा विश्वमा दोस्रो स्थानमा छ । त्यहाँ हालसम्म १ लाख ४५ हजार ४३१ जनाको मृत्यु भइसकेको छ भने गत चौबिस घण्टामा मात्रै ६६४ जनाको मृत्यु भएको छ ।
ब्राजिलमा हालसम्म ४२ लाख ३२ हजार ५९३ जना निको भएर घर फर्किसकेका छन् भने त्यहाँ सक्रिय सङ्क्रमितको सङ्ख्या ५ लाख ४ हजार २०७ रहेको छ ।
