काठमाडौँ । अखिल नेपाल महिला सङ्घकी महासचिव सकुन्तला रानाको निधनप्रति अखिल नेपाल किसान महासङ्घ (अप्फा) ले श्रद्धाञ्जली व्यक्त गरेको छ ।
अध्यक्ष भैरवराज रेग्मीको हस्ताक्षरमा २०८३ साउन ३० गते शनिबार शोकमन्तव्य राख्दै अप्फाले श्रद्धाञ्जलीसँगै सन्तप्त परिवारजनप्रति समवदेना व्यक्त गरेको हो ।
शोकमन्तव्यमा राना महिलानेतृ मात्रै नभएर अर्घाखाँचीको सशक्त र लोकप्रिय कम्युनिस्ट महिलासमेत रहेको स्मरण गरिएको छ ।
यस्तो छ, शोकमन्तव्य :
“अखिल नेपाल महिला सङ्घकी महासचिव सकुन्तला रानाको क्यान्सर रोगको उपचार गराउँदा–गराउँदै दुखद मृत्यु हुन पुगेको छ । उहाँप्रति हार्दिक श्रद्धाञ्जली अर्पण गर्दै शोकसन्तप्त परिवारजनप्रति हार्दिक समवेदना प्रकट गर्दछौँ ।
अर्घाखाँची जिल्लाको असुरकोटमा जन्मनुभएकी सकुन्तला राना महिला नेतृ मात्र हुनुहुन्थेन, उहाँ नेपालको कम्युनिस्ट आन्दोलनकी सशक्त नेतृत्व पनि हुनुहुन्थ्यो । उहाँले आफ्नो जीवनको प्रारम्भिक कालदेखि नै नेपाल कम्युनिस्ट पार्टी (मसाल) मा सक्रियतापूर्वक जीवन होम्नुभयो ।
उहाँ अर्घाखाँची जिल्लाको एक सशक्त र लोकप्रिय कम्युनिस्ट महिला हुनुहुन्थ्यो । उहाँको निधनले कम्युनिस्ट आन्दोलनमा एक सशक्त कम्युनिस्ट महिलाको अपूरणीय क्षति हुन पुगेको छ ।
अखिल नेपाल किसान महासङ्घ (अप्फा) उहाँप्रति श्रद्धाञ्जली व्यक्त गर्दछ ।”