काठमाडौं । तामाकोशीमा बाढीले सडक कटान गरेपछि दोलखाको चरिकोट जोड्ने सडकखण्ड अवरुद्ध भएको छ ।
बाढीले दोलखाको तामाकोशी गाउँपालिका वडानम्बर ५ किर्नेटार भन्ने स्थानमा सडक कटान गरेपछि यातायात अवरुद्ध भएको हो ।
प्रहरीका अनुसार गएराति मध्यरातमा आएको बाढीले सडक भत्काएपछि सडक पूर्णरुपमा अवरुद्ध भएको छ । सडक अवरुद्ध हुँदा अत्यावश्यक कामले आउ–जाउ गर्नुपर्नेहरु समस्यामा परेका छन् ।
स्थानीय प्रशासनले वैकल्पिक सडक खुलाउने उपाय खोजिरहेको बताइएको छ ।
Advertisement
