काठमाडौं । सोमबार बेइजिङमा परराष्ट्रमन्त्री शिशिर खनालसँग भएको भेटमा चिनियाँ विदेशमन्त्री वाङ यीले चीनले आफ्ना कम्पनीहरूलाई नेपालमा लगानी गर्न प्रोत्साहन गर्ने र नेपालले निष्पक्ष, पारदर्शी तथा लगानीमैत्री वातावरण सुनिश्चित गर्नुपर्ने बताएका हुन्।

भेटमा दुवै पक्षले बहुपक्षीय मञ्चहरूमा सहकार्य बढाउने र विकासशील देशहरूको साझा हित संरक्षण गर्ने विषयमा पनि जोड दिएका थिए। वाङले उच्च गुणस्तरको बीआरआईअन्तर्गत विद्युत्, सडक, नाका तथा हवाई यातायात क्षेत्रमा सहयोग विस्तार गर्ने प्रतिबद्धता व्यक्त गरे।

उनले चीन–नेपाल सम्बन्धलाई विशेष महत्व दिँदै चीन नेपालको विकास, समृद्धि र आधुनिकीकरण यात्रामा भरपर्दो छिमेकी र साझेदार रहने बताएका थिए।