नवलपरासी जेठ २२ । अखिल नेपाल ट्रेड युनियन महासंघ (अन्टुक) नवलपरासी जिल्लाको भेला राष्ट्रिय जनमोर्चा प्रदेश सदस्य तिलकप्रसाद सुवेदीको पहल तथा महासचिव धनपति सापकोटाको प्रमुख उपस्थितिमा सम्पन्न भएको छ ।
भेलालाई सम्बोधन गर्दै महासचिव सापकोटाले वर्तमान सरकार मजदुर तथा किसानविरोधी रहेको कुरा सरकारले प्रस्तुत गरेको बजेटबाट स्पष्ट रूपमा झल्किएको बताउनुभयो । उहाँले नेपालका प्रधानमन्त्रीले नेपालले पनि भारतको भूमि मिचेको भन्ने अभिव्यक्ति दिएर भारतीय साम्राज्यवादको नाङ्गो दलाली गरेको तथा राष्ट्रियता गम्भीर संकटमा परेको धारणा व्यक्त गर्नुभयो ।
भेलाले पाँच सदस्यीय जिल्ला समिति चयन गरेको छ । नवगठित समितिको अध्यक्षमा कुलराज गौतम, सचिवमा हर्कध्वज लिम्बु, कोषाध्यक्षमा ज्ञानप्रसाद भट्टराई तथा सदस्यमा भगवती श्रीस चयन हुनुभएको छ । समितिमा एक सदस्य पद हाल रिक्त रहेको जनाइएको छ ।
