धनगढी । धनगढीमा एमालेनिकट राष्ट्रिय युवा संघ र जेनजी समूहबीच तनाव श्रृजना भएको छ । जागरण सभाका लागि मोटरसाइकल र्‍यालीसहित प्रदर्शन गरेका युवा संघका कार्यकर्ता र त्यसको विरोध गरिरहेका जेनजी समूहबीच कुटाकुट हुँदा तनाव श्रृजना भएको हो ।

युवा संघले धनगढीमा आयोजना गरेको जागरण सभामा सहभागी हुन एमाले पोलिटब्युरो सदस्य महेश बस्नेत सहभागी भएका थिए । बस्नेत सहभागी हुने भएपछि जेनजी युवाहरू सड्कको बायाँतर्फ उभिएर विरोध प्रदर्शन गरिरहेका थिए ।

सडकमा शान्तिपूर्ण विरोध गरिरहेका जेनजी अगुवालाई युवा संघका कार्यकर्ताले कुटपिट गरेका हुन् । कुटपिटबाट धनगढीकी जेनजी अगुवा सरिता जोशी घाइते भएको समाचार छ । उनको निसर्ग अस्पतालमा उपचार भइरहेको छ।

मोटरसाइकल र्‍यालीसहित आएका युवा संघका कार्यकर्ताहरूले जेनजी अगुवाहरूमाथि आक्रमणको प्रयास गरेका थिए ।