काठमाडौं, ५ असार । युगदर्शन डटकम तथा युगदर्शन साप्ताहिकका सम्पादक विद्यानाथ अधिकारीले कार्यव्यस्तताका कारण सम्पादकको पदबाट राजीनामा दिनुभएको छ । युगदर्शनका व्यवस्थापक हरिकान्त शर्माले सो जानकारी दिनुभएको हो।

अधिकारीले गत २०७६ देखि युगदर्शन डटकम तथा युगदर्शन साप्ताहिकको सम्पादकको भूमिका निर्वाह गर्दै आउनुभएको थियो ।

शर्माले दिनुभएको जानकारी अनुसार:

“युगदर्शन डटकम तथा युगदर्शन साप्ताहिकका सम्पादक विद्यानाथ अधिकारीले कार्यव्यस्तताका कारण सम्पादकको पदमा रही काम गर्न असमर्थ भएको भनि दिनुभएको राजीनामा स्वीकृत गर्ने निर्णय भएको छ । उहाँले युगदर्शन डटकमको स्थापनादेखि हालसम्म सम्पादकको रुपमा निर्वाह गर्नुभएको महत्वपूर्ण योगदानको लागि धन्यवाद दिंदै उहाँको आगामी पत्रकारीता जीवनको उज्वल भविष्यको उत्तरोत्तर प्रगतिको हार्दिक कामना गर्दछौं ।”