बिन बहादुर रेग्मी, सुरत (भारत) ।
मूल प्रवाह अखिल भारत नेपाली एकता समाज सचिन सुरत नगर समितीले कोरोना भाइरसका कारण विचल्लीमा परेका नेपालीहरुलाई राहत वितरण गरेको छ ।
नेपाली हेल्पलाइन ईन्डिया, पनाहा फाऊन्डेशनको आर्थिक सहयोगमा मूल प्रवाहले सुरतका ऊधोगनगर, सचिन जिआईडिसी, बमरौली, मिनिबजार, जिडीरोड सिद्धिगणेश, सचिन हाऊजिंगमा राहत वितरण गरेको हो । लगातार दुई महिमनादेखिको लकडाउनका कारण समस्यामा परेका नेपालीलाई नगर समितिले १४१ किट राहत सामग्री वितरण गरेको छ।
मूलप्रवाहका नगर अध्यक्ष हरिकुमार गिरी, ध्रुवराज न्यौपाने, कमल श्रेष्ठ, करण केसीलगायत समाजसेवीहरुको टिमले शनिबार ति एरियामा राहत वितरण गरेको हो ।
मूल प्रवाह अखिल भारत नेपाली एकता समाजले भारतका विभिन्न क्षेत्रमा समस्यामा परेका नेपालीहरुलाई राहत वितरण गरिरहेको छ ।
मूल प्रवाहद्वारा भारतमा विचल्लीमा परेका नेपालीलाई राहत वितरण
लकडाउन लम्बिँदै जाँदा भारतका विभिन्न शहरहरुमा नेपालीको विचल्ली भएको छ । कतिपय नेपालीहरु कैयौं दिन हिँडेर नेपाली सीमामा पुग्ने गरेपनि उनहरुले देशभित्र जान सहज पहुँच पाएका छैनन् ।
मूलप्रवाहले सिमानाकामा पुगेका नेपालीलाई सहज रुपमा घर लैजान नेपाल सरकारसँग माग गरेको छ भने समस्यामा परेकाहरुलाई आ–आफ्नो ठाउँबाट सहयोग गर्न सबैसँग आग्रह गरेको छ ।
