कृष्ण केसी, भरतपुर ।

राष्ट्रिय जनमोर्चा बागलुङले केन्द्रीय सदस्य तथा बागलुङका पूर्व अध्यक्ष राजेन्द्र ढुङ्गानाकी आमा पार्वती ढुङ्गानाप्रति श्रद्धाञ्जली कार्यक्रम सम्पन्न गरेको छ ।

२०८१ माघ ८ गते मङ्गलबारका दिन चितवनमा औपचारिक कार्यक्रम गर्दै श्रद्धाञ्जली दिइएको हो ।

कार्यक्रममा राजमो बागलुङका अध्यक्ष तथा काठेखोला गाउँपालिकाका उपाध्यक्ष तिलक थापा, बरेङ–नवलपुर सेवा समाजका अध्यक्ष टङ्क आचार्य, अखिल नेपाल जनजाति सम्मेनल चितवनका अध्यक्ष जितबहादुर थापा, युएई नेपाली एकता समाजका सल्लाहकार गुणनिधि शर्मा र अखिल (छैठौं) का पूर्व अध्यक्ष विमल पोखेरलको उपस्थिति रहेको थियो ।

राजमो बागलुङका सचिवालय सदस्य तथा बरेङ गाउँपालिकाका अध्यक्ष कृष्ण पौडेलले कार्यक्रमको सञ्चालन गर्नुभएको थियो ।