काठमाडौँ । दाङको राजपुर गाउँपालिका–५ का वडाध्यक्ष टंकबहादुर विष्टमाथि त्रिशूल प्रहार भएको छ ।

आफूलाई मन्दिरको पूजारी दाबी गर्ने एक युवकले वडाध्यक्षमाथि त्रिशूल प्रहार गरेका हुन्।

त्रिशूल प्रहारबाट गम्भीर घाइते भएका वडाध्यलाई आईसीयूमा राखेर उपचार भइरहेको प्रहरीले जनाएको छ।

वडाध्यक्ष विष्टमाथि मंगलबार स्थानीय २० वर्षीय विजय नेपालीले त्रिशूल प्रहार गरेका जिल्ला प्रहरी कार्यालय दाङका प्रवक्तासमेत रहेका डीएसपी जनकबहादुर मल्लले जानकारी दिए।

नेपालीले मंगलबार साँझ कार्यकक्षमै पुगेर वडाध्यक्ष विष्टमाथि त्रिशूल प्रहार गरेका हुन्।

वडाध्यक्ष विष्टमाथि त्रिशूल प्रहार गर्ने राजपुर–६ खयरभट्टीका २० वर्षीय नेपाली स्थानीय बाबकुटी जंगलमा बस्दै आएका अनुसन्धानका क्रममा खुलेको छ।