काठमाडौं । राष्ट्रिय सभाको बैठक भोलिसम्मका लागि स्थगित भएको छ।
तर राजनीतिक तहमा सहमति बन्न नसकेपछि सूचना टाँस गरी बैठक सारिएको हो ।
आइतबार १ः१५ मा बोलाइएको बैठक बस्न नसकेपछि ३ः१५ मा सारिएको थियो।
सोमबारको बैठक दिउँसो १ः१५ बजेका लागि तोकिएको संसदका महासचिव पद्मप्रसाद पाण्डेले जारी गरेको सूचनामा उल्लेख छ।
सहकारीको रकम अपचलनका विषयमा छानबिन गर्न संसदीय समिति बनाउन सत्ता र प्रतिपक्षबीच सहमति भए पनि कार्यादेशका विषयमा विवाद भएपछि प्रतिनिधि सभाको बैठक पनि अनिश्चित छ।
बिहान ११ बजे बोलाइएको प्रतिनिधि सभाको बैठक बस्न नसकेपछि दिउँसो २ बजेका लागि तोकिएको थियो।
त्यसपछि पनि बैठक बस्ने विषयमा अन्योल कायमै छ।
यस्तै, प्रतिनिधिसभाको बैठक पनि पटक पटक स्थगित भएको छ ।
संसदीय छानबिन समिति बनाउने सहमति गरेका सत्तापक्ष र प्रतिपक्षी दल नेपाली कांग्रेसबीच समितिको टीओआर कस्तो बनाउने भन्नेबारे आइतबार बिहानैबाट छलफलमा छन्।
यद्यपि सहमति जुटिसकेको छैन।
