विष्णु शर्मा ##
हाम्रो देशमा विवदित ब्यक्तित्वहरू
मन्त्री हुन्छन् ।
खाली हात लिएर सहर पसेकाहरू
रातारात महलमा पुग्छन् ।।
देशलाई हानि गर्ने सम्झौतामा
धमाधम हस्ताक्षर गर्छन् ।
सट्टामा डलर, युरो र आइसीले
आफ्ना मदुस भर्छन् ।।
राज्यका हरेक निकायहरूमा
आफ्नै आसेपासे नियुक्त गर्छन् ।
गरिब दुखी र निमुखाहरू
सदाबहार ओझेलमा पर्छन् ।।
जनता पनि उस्तै जहिल्यै
विादित व्यक्तित्व नै नेता चुन्छन् ।
त्यही नेताले देश डुबाउँछ
अनि बल्ल पछुताउन पुग्छन् ।।
देशमा गरिबी यस्तो छ
पैसा नभएर लास उठ्न पाउँदैन ।
समाजसेवी जनताले सहयोग गर्छन्
सरकार फर्की आउँदैन ।।
देख्नका लागि त केन्द्र, प्रदेश र स्थानीय गरी
तीन तीन ठाउँमा सरकार देखिन्छ ।
सबै तहमा कर्मचारी मिलीजुली खान्छन्
जनताको निधारमा दुख नै लेखिन्छ ।।
जनता नालायक व्यक्तित्व मन्त्री बन्दा
प्रमाणसहित विरोधमा उठ्नुपर्छ ।
बाध्यताले विदेशमा भए नि
आवश्यक पर्दा देशको लागि जुट्नुपर्छ ।।
