प्रकाश थापामगर ##

स्थायी ठेगाना : गोरखा
होस्टलको पढाइ : चितवन
बाबुआमाको अवस्था – सम्बन्धविच्छेद
आमा : दुबईमा
बाबु : काठमाडौँमा
सन्तानको हालको अवस्था : विवादित मृत्यु

बोल्छ एउटा चित्र
घटना शालीनको मृत्युले
खोल्छ पोल यसले
रोजगारी र स्वतन्त्रताको
कमाइ केका लागि ?
पढाइ केका लागि ?
जीवन केका लागि ?

प्रश्न अरू पनि छन्
होस्टेल के हो ?
आवासीय विद्यालय के हुन् ?
र के हुन् ?
विद्यालयका सङ्गठन
साथै प्रश्न यो पनि
कस्तो छ हाम्रो नयाँ पुस्ता ?
खोज्नुछ धेरै प्रश्नका उत्तर
अब झन् धेरै उब्जिने छन् प्रश्न
निर्मला पन्तलाई साक्षी राखेर

पहिलो विद्यालय घर
पहिलो शिक्षक आमा
यही हो शिक्षा पूर्वीय सभ्यताको
तर हुँदैनन् स्रँगै आमा जहाँ
न त छन् बाबु नै सँगै
त्यसैले बन्यो कि परिस्थिति यस्तो
थिइन् टुहुरी बालिका शालीन
कति छन् शालीन देशभरि ?
खोज्नुछ ।

२०८० फागुन २० गते
काठमाडौँ