शुक्रराज भण्डारी,दाङ ।
राष्ट्रिय जनमोर्चा गढ्वा गाउँपालिका दाङले आगलागी पीडित ६ घर परिवारलाई सोमवार राहत वितरण गरेको छ । दाङको गढवा गाउँपालिका वडा नं.६ मनिकापुरमा गत २० गते घरगोठ जलेर पिडित बनेका स्थानीयलाई राजमोले राहत वितरण गरेको हो।
आगलागी पीडितलाई प्रति परिवार २० किलो चामल, एक पोका खाने तेल, एक किलो नुन, एक पिस सावुन र रू एक हजार नगद प्रदान गरिएको छ ।
लकडाउनको समस्याले विहान सांझको छाक टार्न समस्या भएका परिवारमा आगलागी हुँदा झन पिडा थपिएको थियो । पिडा बुझेर सहयोग गरेकोमा पिडित परिवारले दुखको सहयात्री राजमो भएको भन्दै धन्यवाद प्रकट गरेका थिए ।
राजमो दाङका सदस्यद्वय कपिलदेव खनाल र दिनमणी आचार्य, जिल्ला सल्लाहकार गुणानिधि शर्मा,राजमो गढवा गाउँपालिका–६ का अध्यक्ष खुमानन्द पोख्रेल , रेडक्रस गढवाका अध्यक्ष दिपक यादव र तिलकराम पोख्रेलको उपस्थितिमा राहात वितरण गरिएको थियो ।
