बागलुङबजार । बागलुङको गल्कोटमा अखिल नेपाल किसान महासङ्घ (अप्फा) को नगर भेला सम्पन्न भएको छ ।
महासचिव तुल्सिराम सापकोटाको आतिथ्यमा २०८० पुस २४ गते मङ्गलबारका दिन सो भेला सम्पन्न भएको हो ।
कार्यक्रममा सापकोटाले नेपाल कृषिप्रधान देश भए पनि नेपालका किसानको समस्याप्रति सरकारले ध्यान नदिएकाले किसानहरू सङ्गठित रूपमा सङ्घर्ष गर्नुको विकल्प नभएको बताउनुभयो ।
भेलामा राष्ट्रिय जनमोर्चाका केन्द्रीय सदस्य गौरिश्वर पाण्डे र बेदिलाल सापकोटाको पनि आतिथ्य रहेको थियो
भेलाले यमबहादुर खड्काको अध्यक्षतामा नौ सदस्यीय समिति गठन गरेको छ ।
समितिको उपाध्यक्षमा पूर्णबहादुर खत्री, सचिवमा खडकबहादुर विक र कोषाध्यक्षमा दुर्गा पुन रहनुभएको छ ।
त्यस्तै, सदस्यहरूमा गुमानसिंह खत्री, कुलबहादुर केसी, डिलाराम सापकोटा र रणबहादुर रहनुभएको छ भने एक स्थान रिक्त रहेको छ ।
भेलाको सञ्चालन पदमबहादुर श्रेष्ठले गर्नुभएको थियो ।
