गलकोट । राष्ट्रिय जनमोर्चा वडा नं. ९ का सचिव लक्ष्मण सापकोटाको कृषि सहकारी फलफुल पसलमा आगलागी भएको छ ।

गलकोट नगरपालिका वडा नं. ३ हटियास्थित रहेको पसलमा आगलागी भएको हो ।

पसलमा गएराति विद्युत सट हुँदा आगलागी भएको हटिया प्रहरी चौकीका प्रमुख विष्णु पौडेलले जानकारी दिनुभयो ।

गएराति नै प्रहरी र स्थानीयको सक्रियतामा आगो नियन्त्रणमा लिएको प्रहरीले जनाएको छ ।

आगलागीबाट पसलमा रहेको सम्पूर्ण सामानहरू जलेर नष्ट भएको बताईएको छ । आगलागीबाट भएको क्षेतीको विवरण आउन बाँकी रहेको र घटनामा मानवीय क्षेती नभएको प्रहरीले जनाएको छ ।

उक्त फलफुल पसल राजमो गल्कोटका सचिव  ४९ वर्षिय सापकोटाले सञ्चालन गर्दै आउनुभएको थियो ।