काठमाडौं । काठमाडौँ महानगरपालिकाले आजदेखि महानगर क्षेत्रभित्र सुर्तीजन्य पदार्थको बिक्री वितरणमा रोक लगाएको छ। बेचविखन गरेको पाइएमा कडा कारबाही गर्ने महानगरले चेतावनी दिएको छ ।

काठमाडौं महानगरपालिकाले १५ मंसिरमा सार्वजनिक सूचना जारी गर्दै महानगर क्षेत्रभित्र प्लास्टिकमा प्याकेजिङ्ग गरिएका खैनी, गुट्खा, पान पराग वा यस्तै प्रकृतिका मुखमा राख्ने रस लिने वा सेवन गर्ने सुर्तीजन्य पदार्थको बिक्री वितरणमा पूर्ण रुपमा प्रतिबन्ध लगाउने घोषणा गरेको थियो।

महानगरको गरेको सो घोषणा आजबाट लागू भएको हो।

‘कसैले यो सूचनाको अवज्ञा गरी बिक्री वितरण गरेको पाइएमा महानगर प्रहरीमार्फत जफत गरी क्रिी वितरण गर्ने व्यवसायीलाई कानुन अनुसार अधिकतम सजाय गरिने’ महानगरको सूचनामा उल्लेख छ ।