काठमाडौं । इजरायली विद्रोही समूह हमासको नियन्त्रणमा रहेका नेपाली नागरिक विपिन जोशीको रिहाईको पहल गरिदिन नेपालले कतारका प्रधानमन्त्रीसँग आग्रह गरेको छ ।

कतार भ्रमणमा रहेका परराष्ट्रमन्त्री एनपी साउदले त्यहाँका प्रधानमन्त्री शेख मोहम्मद बिन अब्दुलरहमान अल थानीसँगको शिष्टाचार भेटमा यो आग्रह गरेका हुन्।

कतारको दोहामा भएको भेटमा दुईपक्षबीच व्यापार र लगानीका विषयमा, कतार फण्ड फर डेभलपमेन्टमार्फत् सहयोग, उच्चस्तरीय भ्रमण आदानप्रदानका साथै विपिन जोशीको रिहाइका विषयमा विशेष छलफल भएको मन्त्रालयकी प्रवक्ता सेवा लम्सालले जानकारी दिइन्।

जवाफमा कतारका प्रधानमन्त्रीले विपिनको रिहाइका लागि सबै प्रयास भइरहेको जानकारी दिएका छन्।

गत असोज २० गते हमासको आक्रमणमा परी इजरायलमा १० नेपालीको ज्यान गएको थियो। विपिन सोही दिनदेखि हमास समूहको कब्जामा छन्।