काठमाडौँ । शुक्रबार राति गएको भूकम्पबाट विभिन्न जिल्लाका तीन हजार ७७० घरमा क्षति पुगेको को छ । गृहमन्त्रालयका अनुसार सात जिल्लाका दुई हजार ८३८ घरमा आंशिक क्षति भएको छ भने ९३२ घर पूर्ण क्षति भएका छन् ।
सबैभन्दा बढी जाजरकोटमा दुई हजार ६८५ घरमा आंशिक क्षति पुगेको छ भने ९०५ घर पूर्ण रूपमा ध्वस्त भएका छन् ।
यस्तै, रुकुम पूर्वमा १९ घरमा आंशिक क्षति पुगेको छ भने सल्यानमा ९७ ओटा घरमा आंशिक र २५ घरमा पूर्ण क्षति पुगेको छ ।
एवम् प्रकारले नवलपरासी पूर्वमा एउटा घरमा क्षति पुगेको छ भने दैलेखमा एउटा घरमा पूर्ण र एउटा आंशिक क्षति भएको छ । यता, बैतडीमा एउटा घर भत्किएको छ । मन्त्रालयका अनुसार प्युठानमा २९ ओटा घरमा आंशिक क्षति पुगेको छ ।
भूकम्पका कारण ११ ओटा जिल्ला प्रभावित भएका मन्त्रालयको तथ्याङ्कमा उल्लेख छ । हालसम्म १५७ जनाको मृत्यु भएको छ भने २५६ जना घाइते भएका छन् ।
मृतक सबैभन्दा धेरै जाजरकोटका १०५ जना रहेका छन् । त्यहाँ ११२ जना घाइेत भएका छन् । त्यसपछि रुकुम पश्चिचमा ५२ जनाको मृत्यु भएको छ भने १३२ जना घाइते छन् । यता, सल्यानमा दुई, रोल्पामा एक, दैलेखमा तीन र जुम्लामा तीन जना घाइते भएका छन् ।
