काठमाडौं । त्रिकोणात्मक टी २० आई सिरिजको उपाधि युएईले उचालेको छ ।

शुक्रबार सम्पन्न सिरिजमा नेपाललाई ४ विकेटले हराउँदै युएईले उपाधि जितेको हो।

नेपालले दिएको १ सय ६३ रनको लक्ष्य युएईले १ बल अगावै ६ विकेटको क्षतिमा भेट्टायो।

किर्तिपुरस्थित त्रिवि क्रीकेट मैदानमा युएईले टस जितेर फिल्डिङ रोजेपछि ब्याटिङ गरेको नेपालले निर्धारित २० ओभरमा ८ विकेटको क्षतिमा १ सय ६२ रनको योगफल तयार पारेको थियो।

नेपालले सिरिजमा युएईलाई ७ विकेट र ५ विकेटले हराएको थियो।

नेपालले हङकङलाई पनि दुबै खेलमा ६ विकेट र ७९ रनले हराएको थियो।

उता युएई अन्तिम खेलमा हङकङसँग ६९ रनले पराजित भएपनि नेटरनरेटको फाइनल खेलेको हो।