कञ्चनपुर । राष्ट्रिय जनमोर्चा, कञ्चनपुरले विशेष संगठनात्मक अभियानलाई तिब्रता दिएको छ ।
‘एक वडा एक समिति, एक घर एक सदस्य’ भन्ने नारासहित संगठन निर्माण अभियान थालेको राजमोले शनिबार विभिन्न क्षेत्रका व्यक्तिलाई पार्टी प्रवेश गराउँदै किसान र विद्यार्थीको संयुक्त भेला तथा प्रशिक्षण सम्पन्न गरेको छ ।
शनिबार महे्नद्रनगरमा आयोजित संयुक्त जिल्ला भेलाले गोविन्द बोहराको अध्यक्षतामा अखिल नेपाल किसान महासंघको जिल्ला समिति पुनर्गठन गरेको हो ।
समितिको उपाध्यक्षमा टुङ्गे बोहरा, सचिव नरेन्द्र चौधरी, सहसचिव कर्ण दमाई र कोषाध्यक्षमा भानबहादुर कार्की चयन हुनुभएको छ । यस्तै, सदस्यहरुमा बलदेव श्रेष्ठ, दलबहादुर मल्ल, पार्वती विष्ट र अन्तराम चौधरी चयन हुनुभएको छ । समितिको दुई स्थान हाल रिक्त राखिएको छ ।
राष्ट्रिय जनमोर्चा, जिल्ला कार्यालय महेन्द्रनगरमा आयोजित कार्यक्रममा राजमो सुदूरपश्चिम प्रदेश समितिका सचिव राजाराम चौधरी र जिल्ला अध्यक्ष रामबहादुर काकीले शुभकामना दिनुभएको थियो ।
अखिल (छैठौं) को संयोजकमा दिपेन्द्र कार्की
अखिल नेपाल किसान महासंघ र अखिल (छैठौं) को संयुक्त भेला तथा प्रशिक्षण कार्यक्रममा विद्यार्थीको जिल्ला भेला आयोजक समिति गठन गरिएको छ ।
दिपेन्द्र कार्कीको संयोजकत्वमा गठित समितिको सदस्यहरुमा चन्दा विक, भुवन कार्की, सुन्तली चौधरी, लवराज चुनारा, निरुता चौधरी र एलिसा दर्जी रहनुभएको छ । दुई सदस्य रिक्त राखिएको छ ।
कार्यक्रममा अखिल नेपाल ट्रेड युनियन महासंघ (अन्टुक) का प्रदेश संयोजक जनक कुँवर, राजमो जिल्ला उपाध्यक्ष मञ्जु परियार, सचिव लालबहादुर कुँवर लगायत नेताहरुको आतिथ्यता रहेको थियो ।
संयुक्त भेला तथा प्रशिक्षण कार्यक्रममा भीमदत्त नगरपालिका–१८ का व्यवसायी गणेश बोहरा, भीनपा ५ कीी मानमती थापा र भीनपा ९ की देवकी जोशी राष्ट्रिय जनमोर्चामा प्रवेश गर्नुभएको थियो । उहाँहरुलाई राजमो नेता राजाराम चौधरीले सदस्यता दिएर स्वागत गर्नुभयो ।
सोही कार्यक्रममा भीनपा १६ कि एलिया दजीले अखिल (छैठौं)को सदस्यता लिएर संगठनमा प्रवेश गर्नुभएको थियो ।
भेलामा नेकपा (मसाल) को ऐतिहासिक तीन अभियान र समसामयिक राजनीतिबारे चर्चा गरिएको थियो ।
