पोखरा । विश्व ट्र्रेड युनियन महासङ्घ (डब्लू.एफ.टी.यू.) को अठहत्तरौँ स्थापना दिवसको अवसरमा कास्कीको पोखरामा चियापान कार्यक्रम सम्पन्न भएको छ ।
अखिल नेपाल ट्र्रेड युनियन महासङ्घ (अन्टुक), नेपाल राष्ट्रिय कर्मचारी महासङ्घ, पेसागत महासङ्घ नेपाल र अखिल नेपाल क्रान्तिकारी टे«ड युनियनको आयोजनमा २०८० असोज १६ गते मङ्गलबार सो कार्यक्रम सम्पन्न भएको हो ।
नेकपा (एकीकृत समाजवादी) का पिबिएम प्रेमनारायण पौडेलको प्रमुख आतिथ्यमा सम्पन्न उक्त कार्यक्रममा विशिष्ट अतिथि नेकपा (माओवादी केन्द्र) का नेत्रनाथ अधिकारी हुनुहुन्थ्यो ।
कार्यक्रममा नेकपा एसका केन्द्रीय सदस्य कृष्ण नेपाली, नेकपाका पिबिएम राजन सी, अन्टुकका कास्की जिल्ला सल्लाहकार विष्णु पुरी, पेसागत महासङ्घ नेपालका अध्यक्ष सोमलाल तिवारी, नेपाल राष्ट्रिय कर्मचारी महासङ्घ गण्डकीका इन्चार्ज दुर्गा भुजेल, नेपाल कर्मचारी महासङ्घका केन्द्रीय सदस्य भीम सुवेदी, एकीकृत टे«ड युनियन महासङ्घ गण्डकीका अध्यक्ष तिलबहादुर विकलगायतको आतिथ्यता रहेको थियो ।
पेसागत कर्मचारी महासङ्घका तारानाथ सुवेदीको सञ्चालन तथा पेसागत महासङ्घका गुमानबहादुर थापाको अध्यक्षतामा अघि बढेको उक्त कार्यक्रममा अन्टुकका केन्द्रीय सदस्य नामबहादुर बाठामगरले स्वागत गर्नुभएको थियो ।
कार्यक्रममा गुमानबहादुर थापाले कार्यपत्र प्रस्तुत गर्नुभएको थियो ।
