परासी । नवलपरासी (बर्दघाट सुस्ता पश्चिम) जिल्लाको सुनवल अखिल नेपाल महिला सङ्घको सुनवल नगर भेला सम्पन्न भएको छ ।
जिल्ला अध्यक्ष सम्झना सुवेदीको प्रमुख आतिथ्यमा २०८० असोज ६ गते शनिबार उक्त भेला सम्पन्न भएको हो ।
भेलाले मनरूपा राना अध्यक्ष रहनुभएको ११ पूर्ण र पाँच वैकल्पिक सदस्यसहित १६ सदस्यीय नगर समिति गठन गरेको छ ।
समितिको उपाध्यक्षमा देउमती सर्बुजा, सचिवमा यमुना थापा, सहसचिवमा लक्ष्मी घिमिरे र कोषाध्यक्षमा सीता अधिकारी रहनुभएको छ ।
त्यस्तै, सदस्यहरूमा कमला गौतम, गोमा खत्री, सावित्री भट्टराई, कुसुम विक, उर्मिला भुजेल र एमकला थापा रहनुभएको छ ।
एवम् प्रकारले समितिको वैकल्पिक सदस्यहरूमा चन्दा पुन, माया तिमल्सिना, नारायणी बराल, कमला न्यौपाने र तारा घिमिरे रहनुभएको छ ।
भेलाको उद्घाटनपछि मन्तव्य राख्दै प्रमुख अतिथि सुवेदीले महिलालाई राजनैतिक चेतनाबाट सशक्त बनाएर मात्र महिला हिंसा र उत्पीडनबाट मुक्त हुन सकिने दाबी गर्नुभयो ।
त्यस्तै, आर्थिक आयआर्जनमा सहभागी हुँदै महिलाहरूले नेतृत्व सिपको विकास गरेर नेतृत्वदायी भूमिका निर्वाह गर्न सकेमा मात्रै महिलाले प्राप्त अधिकारलाई प्रयोग गर्न सकिने आवश्यकतामा पनि उहाँले जोड दिनुभयो ।
कार्यक्रममा राष्ट्रिय जनमोर्चा लुम्बिनी प्रदेश सदस्य तिलकप्रसाद सुवेदीले भेला सफलताको शुभकामना मन्तव्यसहित प्रशिक्षण दिनुभएको थियो ।
त्यस्तै, राजमो नवलपरासीका अध्यक्ष किसनबहादुर अधिकारी, नेकपा (मसाल) का जिल्ला प्रवक्ता धनपति सापकोटा, राजमो जिल्ला कोषाध्यक्ष गिरिराज ज्ञवालीले समेत शुभकामना मन्तव्य राख्नुभएको थियो ।
नवनिर्वाचित समितिलाई अनिता क्षेत्री लिम्बुले बधाई तथा सफल कार्यकालको शुभकामना दिनुभएको थियो ।
नवनिर्वाचित समितिको तर्फबाट अध्यक्ष रानाले प्रतिबद्धतासमेत व्यक्त गर्नुभएको थियो ।
भेलामा उपस्थित जनसमुदायलाई सीता अधिकारीले शब्दले स्वागत गर्नुभयो भने प्रमुख अतिथिसुवेदीले पानसमा बत्ती बालेर भेलाको उद्घाटन गर्नुभएको थियो।
कार्यक्रम मनरूपा रानाको अध्यक्षता, यमुना थापाको सञ्चालनमा सम्पन्न भएको थियो ।
