बागलुङबजार । बागलुङको गलकोट नगरपालिकामा अखिल नेपाल महिला सङ्घको भेला सम्पन्न भएको छ ।
सङ्घकी जिल्ला समितिकी सचिव रुममाया थापाको प्रमुख आतिथ्यमा २०८० भदौ २७ गते बुधबार भेला सम्पन्न भएको हो ।
भेलामा राष्ट्रिय जनमोर्चाका केन्द्रीय सदस्य वेदिलाल सापकोटा विशिष्ट अतिथि हुनुहुन्थ्यो भने राजमो जिल्ला सदस्यहरू पदम श्रेष्ठ, रुमाकान्त गौतम र खडक विक, अखिल (छैठौं) का जिल्ला अध्यक्ष गणेश सापकोटा र राजमो नगर अध्यक्ष टङ्क केसी अतिथि रहनुभएको थियो ।
अध्यक्षमा देवी खत्री
भेलाले देवी खत्री अध्यक्ष रहनुभएको महिला सङ्घको पालिका समिति गठन गरेको छ ।
समितिको उपाध्यक्षमा माया खत्री, सचिवमा दुर्गा पुन, सहसचिवमा चन्द्रा सिँजाली र कोषाध्यक्षमा टुकुकुमारी श्रेष्ठ रहनुभएको छ ।
त्यस्तै, सदस्यहरूमा हीरा भण्डारी, विमला केसी, गङ्गा खत्री, कोपिला दर्जी, यशोदा थापा, छमकुमारी बोहरा, अमृता सुनार, बिजुला श्रेष्ठ, भीमकुमारी गौतम, तरला गौतम र मीना राना रहनुभएको छ ।
भेलाले विष्णु बस्नेत, सुनमाया ढकाल र कृष्णा पुनलाई सल्लाहकारमा चयन गरेको छ ।
