विष्णु शर्मा ##

अप्ठ्यारा र असजिला गर्दै जाऊँ सामना
०८० साल तिजको शुभकामना ।
तिजमा दिदीबहिनी यो मुद्दामा जुटौँ है
सङ्घीयता विरुद्धमा आवाज उठाऊँ है ।।

जनता थिचिए सङ्घीयताको भारीले
अब कुरा बुझ्नैपर्छ सत्ताधारीले ।
सङ्घीयता आफैमा गलत थिएन
हाम्रो देशको अवस्थामा सही भएन ।।

बहुजाति बहुभाषा भाको हाम्रो देशमा
मेल कहिल्यै खाँदैन सङ्घीय शासन ।
यो प्रणाली आन्दोलनको मर्म कहिल्यै थिएन
विदेशीका दलाहरूले बस्न दिएन ।।

भारतको इसारामा यो प्रणाली भित्रियो
हाम्रो देशको अर्थतन्त्र सबै रित्तियो ।
अनुदान लिनुपथ्र्यो एउटा सरकार हुँदा त
के थाम्थ्यो सातओटा प्रदेश पुदा त ।।

राजस्वको मारले जनता भए बेहाल
यो प्रणाली संविधानबाट चाडै निकाल ।
जनमोर्चाले सुरुबाटै विरोध गर्दै आ’को छ
हाम्रो देशमा सरकार सधैँ …. भाको छ ।।

सानो पार्टी भनेर सुन्दैनन् कुरा नि
यस्तै गरे देशलाई पार्छन् खरानी ।
सत्ताधारी भए सधै विदेशका गुलामी
अझै होस पाउँदैनन् यति हुँदा नी ।।

यो प्रणाली हटाउन दबाब दिनैपर्दछ
जनमोर्चाले दूरगामी काम गर्दछ ।
सत्ताबाहिर भएका नि सङ्घीयतावादी भ’का छन्
मिलिजुली भारतको कलो खा’का छन् ।।

होइन हाम्ले गीत गा’को मनोरञ्जन गर्न
खाँचो छैन विदेशीको शरण पर्न ।
खारेज गर होइन भने जनता जुटाउँछौँ
सङ्घीयताको विरुद्धमा आँधी उठाउँछौँ ।।

देशैबाट खेद्ने छौ जनतालाई ढाट्नेलाई
देशमा बसी विदेशीको कलो चाट्नेलाई ।
विरुद्धमा ज्वाला हाम्ले प्रदेशमा नि बाल्ने छौँ
खाचो परे स्वदेश फर्की सेखी झार्ने छौँ ।।