कपिलवस्तु । तत्कालीन अखण्ड नेपाल पार्टीका कपिल वस्तु जिल्ला अध्यक्ष तुलसरी बोहरा राष्ट्रिय जनमोर्चामा प्रवेश गर्नुभएको छ । उहाँसँगै बुद्धभूमि नगरपालिका वडा नं ७ को सिंगो सुकानिया बस्ती पनि राजमोमा समाहित भएको छ ।
बुधबार सुकनियामा आयोजित एक कार्यक्रमका बीच राजमो जिल्ला परिचलान समितिका सदस्य केयरसिंह अदैले उहाँहरुलाई पार्टीको सदस्यता दिएर स्वागत गर्नुभएको थियो ।
बोहरा अखण्ड नेपाल पार्टीको तर्फबाट कपिलवस्तु क्षेत्र नं ३ बाट प्रतिनिधि सभा सदस्य उम्मेदवार पनि हुनुहुन्थ्यो । बाग्लुङको ढोरपाटन नगरपालिका ३ बाट बसाई सरी आएकी बोहरा राष्ट्रिय जनमोर्चाबाट २०५४ सालमा निर्वाचित वडा सदस्य हुनुहुन्थ्यो । पार्टी छोडेर आफूले ठूलो भूल गरेको महसुस गर्दै राष्ट्रिय जनमोर्चाको नीति सिद्दान्त सही भएकोले पुनः राजमोमै फर्केको बताउनुभयो ।
भेलाले तुलसरी बोहर कै अधक्ष्यतामा ११ सदस्सीय राष्ट्रिय जनमोर्चा सुकनिया टोल समिति गठन गरेको छ । जसको उपाध्यक्षमा पदमा पदम बहादुर कार्की, सचिव लाल वहादुर सापकोटा, कोषाध्यक्ष बेल कुमारी घर्ती, सदस्यहरु सिता बोहरा, टेक बहादुर घर्ती, वीर बहादुर कार्की, बलिराम कुर्मी, ईश्वर कार्की तथा सल्लाहकारमा माइतराम बोहरा र रबिन केसी रहनु भएको छ ।
समिति लाई राष्ट्रिय जनमोर्चा शिवराज ११ का उपाध्यक्ष गोपाल केसी, सचिव सुकै पसी, समाज सेवी मैतराम बोहोराले सुभकामना तथा बधाई दिनु भएको थियो । कार्यक्रमको अध्यक्षता पदमबहादुर कार्कीले गर्नुभएको थियो ।
राष्ट्रिय जनमोर्चाले सञ्चालन गरेको संगठनात्मक अभियान कपिलवस्तु जिल्लामा जारी छ । बुद्धभूमीसँगै शिवराज नगरपालिका वडा नं ११ मा पनि सदस्यता वितरण गरिएको राजमोले जनाएको छ ।
