खलङ्गा । प्युठानमा जातीय समता समाजको वडासमिति गठन भएको छ।
आगामी असोज ५, ६ र ७ गते सम्पन्न हुन गइरहेको जिल्ला स्तरीय प्रशिक्षण तथा जिल्ला भेलाको सन्दर्भमा उक्त कार्यक्रम सम्पन्न भएको हो ।
भदौ १५ गतेका दिन ऐरावती गाउँपालिका–३ जाबुनेमा बृहत् भेला आयोजना गरी समता समाजको वडासमिती निर्माण गरिएको जानकारी पालिका अध्यक्ष वसन्त सुनारले दिनुभएको छ ।
उक्त भेलालाई समता समाजकै ऐरावती गाउँपालिका समितिका अध्यक्ष वसन्त सुनार, समता समाज प्युठानका सदस्य एवम् ऐरावती गाउँपालिका समितिका सदस्य भक्तबहादुर विक र कार्यपालिका सदस्य इसमरा सुनारको पहल र उपस्थितिमा रहेको थियो ।
भेलामा जातीय समता समाजको नीति, सिद्धान्त, उद्देश्य र दलित जातिहरूको हक, हित र उत्थानका बारेमा अतिथिहरूद्वारा प्रशिक्षण दिइएको थियोे
भेलाले गोविन्द सुनारको अध्यक्ष रहनुभएको समता समाजको वडासमिति गठन गरेको छ । समितिको उपाध्यक्षमा इमसरा सुनार, सचिवमा सरास्वता नेपाली, कोषाध्यमा हिमा सार्कीलगायत रहनुभएको छ ।
साथै जातीय समता समाज ऐरावती पालिका समितिको यही भदौ २३ गते बैठक बसी जिल्ला स्तरीय प्रशिक्षण, भेला र अन्य वडामा सङ्गठन विस्तारसम्बन्धी योजना बनाइने प्राप्त समाचारमा उल्लेख छ ।
