मोहराज चालिसे ##

क्रान्तिकारी महिलाहरू एकजुट भई उठ्नुछ
अधिकार ल्याउनलाई सबै जुट्नुछ

नारी मुक्ति आन्दोलनमा लाग्नुपर्छ एक भई
समानताको आन्दोलनमा सरिक बनौँ है

यो सामन्ती व्यवस्थाले कहैलै सुख दिएन
अपहेलित हुने हाम्रो कर्म थिएन

सबै खाले भ्रमजाललाई चिर्दै अघि बढ्नु छ
क्रान्तिकारी दिदिबहिनी शिखर चढनुछ

जातिपाती छुवाछुतको अन्त्य हाम्ले गर्ने छौँ
अन्यायको विरुद्धमा लड्दै मर्ने छौँ

छोराछोरी समान भन्छ कानुनको ठेलिले
हत्याहिंसा चलाइरहेछ जालिझेलीले

जातिवादको नारा दिई भड्काउने रीतिलाई
जरैदेखि उखेल्नुछ यस्तो नीतिलाई

एमसिसी र सङ्घीयताले देशै कङ्गाल भइसक्यो ,
मुक्ति पाउँछौ भन्दाभन्दै जीवन गइसक्यो

गणतन्त्र बचाउँदै अघि अघि बढनुछ
जनवादी क्रान्ति ल्याउन शिखर चढ्नुछ