नवलपरासी । नवलपरासी सुनवल वडा नं.–३ नदुवाटोलमा अखिल नेपाल महिला सङ्घको टोल समिति गठन भएको छ ।

अखिल नेपाल महिला सङ्घ जिल्ला अध्यक्ष सम्झना सुवेदीको प्रमुख आतिथ्यतामा २०८० भदौ १४ गतेका दिन एक भेलामाझ सो समिति गठन गरिएको हो ।

भेलामा धनपति सापकोटा र तिलकप्रसाद सुवेदीको विशेष उपस्थिति रहेकोे थियो । साथै उहाँहरूले महिला आन्दोलन, अधिकार र समसामयिक विषयमा प्रशिक्षण समेत दिनुभएको थियो।

उक्त, भेलाले अनिता क्षेत्रीको अध्यक्षतामा सात सदस्यीय समिति गठन गरेको छ ।

जसमा उपाध्यक्ष रिना जिसी, सचिव माया तिमल्सिना र कोषाध्यक्ष चन्दा पुन रहनु भएको छ भने उर्मिला भुजेल र दीपकला सिंजाली सदस्य रहनु भएको छ ।

साथै समितिले नन्दकला क्षेत्रीलाई सल्लाहकारमा मनोनयन गरेको छ ।