काठमाडौं । काठमाडौंको बूढानीलकण्ठ नगरपालिका वडा नं १० कपन, ज्योतिनगरका एक व्यवसायी दुई हप्तादेखि सम्पर्कविहीन भएका छन् ।

धनेश्वर सुन चाँदी पसलका सञ्चालक अबिरबहादुर गदाईली गत साउन २६ गतेदेखि सम्पर्कविहीन भएका हुन् ।

दिउँसो घरबाट निस्किएका उनी अहिलेसम्म परिवारको सम्पर्कमा नआएको छोरा विज्ञानले बताए ।

‘सम्भावित सबैतिर खोजी गर्यौँ, प्रहरीलाई पनि हुलियासहित जानकारी दिएका छौँ’ विज्ञानले भने, ‘तर, बुवाको अहिलेसम्म अत्तोपत्तो लागेको छैैन ।’

घरको मुली मान्छे अकारण सम्पर्कविहीन हुँदा निकै तनाव झेल्नुपरेको श्रीमती कल्पनाले बताइन् । उनका अनुसार श्रीमानले मोबाइल समेत घरमै छोडेर सम्पर्कविहीन भएका हुन् ।

उनलाई देखे वा भेटेमा सम्पर्क नम्बर ९८१३१५८६५९ वा ९८०३६६३९९४ मा सम्पर्क गरिदिन वा नजिकको प्रहरी कार्यालयमा जानकारी गराइदिन गदाईली परिवारले आग्रह गरेको छ ।