दाङ । राष्ट्रिय जनमोर्चाले देशब्यापी रुपमा सञ्चालन गरेको संगठनात्मक अभियान दाङ जिल्लामा तिब्र गतिमा अगाडि बढेको छ । जिल्लाका विभिन्न भागमा अलग–अलग टोली जनताको घरदैलोमा पुगेका छ्न् ।

टोलीमा सहभागी नेता कार्यकर्ताहरुले जनताको समस्या बुझ्नुका साथै देशको अबस्थाको बारेमा बताउँदै पार्टीको सदस्यता दिने काम गरेका छन् । राजमो दाङले दिएको जानकारी अनुसार अभियानका क्रममा राप्ती गाउँपालिकाको टोलीले १८४३ जनालाई सदस्यता प्रदान गरेको छ । सो टोलीमा अखिल नेपाल किसान महासंघका केन्द्रीय कोषाध्यक्ष प्रेमनारायण आचार्य, राजमोका जिल्ला सदस्य केशवराज खनाल, जिल्ला सल्लाहकार रमेशमान गुरुङ, तराई मधेस जनवादी मोर्चाका केन्द्रीय उपाध्यक्ष हनुमान चौधरी लगायतका नेताहरु हुनुहुन्छ ।

यसैगरी गढबा गाउँपालिकामा १११५ जनालाई सदस्यता प्रदान गरिएको छ । सो टोलीमा पार्टीका कार्यकारी अध्यक्ष रस्मिराज नेपाली, केन्द्रीय कोषाध्यक्ष ओम बहादुर केसी, प्रदेश समितिका सचिवालय सदस्य रेशम बिसी, जिल्ला सदस्य तुकमान कुँवर, जिल्ला सल्लाहकार गुणनिधी शर्मा, अखिल नेपाल युवक संघका केन्द्रीय उपाध्यक्ष चित्र एमसी लगायतका नेताहरु रहनुभएको छ ।

यसैगरी, घोराही उपमहानगरपालिकाको टोलीले ८२७ जनालाई सदस्यता प्रदान गरेको छ । उक्त टोलीमा राजमो जिल्ला अध्यक्ष गणेश आचार्य, जिल्ला सदस्य खडानन्द खनाल, नगर अध्यक्ष हरि खरेल, उपाध्यक्ष मनिराम खनाल, कोषाध्यक्ष चन्द्र बहादुर रावत, अखिल नेपाल जनजाति सम्मेलनका जिल्ला अध्यक्ष रामबहादुर घर्ती लगायतका नेताहरु रहनुभएको छ ।

यता, लमही नगरपालिकाको टोलीले ६०२ जनालाई सदस्यता प्रदान गरेको छ । उक्त टोलीमा राजमोका जिल्ला सचिव वसन्त पौडेल, सचिवालय सदस्य पदम गोराथोकी, जिल्ला सदस्य कुलचन्द्र पोख्रेल, ठाकुर भण्डारी, नगर अध्यक्ष हरि थापा, लगायतका नेताहरु हुनुहुन्छ ।

यसैगरी, तुलसीपुरको टोलीले ९५४ जनालाई सदस्यता प्रदान गरेको छ । उक्त टोलीमा राजमोका केन्द्रीय सदस्य कमला जिसी, जिल्ला सचिवालय सदस्य शुक्रराज भण्डारी, जिल्ला सल्लाहकार दोर्ण घर्ती लगायतका नेताहरु हुनुहुन्छ ।

यसैगरी दङिसरण, सान्तिनगर र बबई गाउँपालिकाको टोलीले ७३ जनालाई सदस्यता प्रदान गरेको छ । टोलीमा राजमोका जिल्ला सहसचिव ऋषिराम पौडेल, जिल्ला सदस्य तुलबहादुर योगी, अखिल नेपाल युवक संघका पूर्व केन्द्रीय सदस्य सशिराम बुढाथोकी लगायतका नेताहरु रहनुभएको छ ।

यता, राजपुर गाउँपालिकाको टोलीले ३२५ जनालाई सदस्यता प्रदान गरेको छ । टोलीमा राजमो जिल्ला सदस्य कपिलदेब खनाल, राम फकिरे रैदास, जस बहादुर घर्ती, कमल बिक लगायतका नेताहरु हुनुहुन्छ ।

जिल्ला सदस्य सुशील पोख्रेलले जिल्ला भरी आवस्यक सामान पुर्याउने र रेकर्ड ब्यबस्थित गर्ने काम गर्नु भएको छ भने अभियान परिचालन समितिका सयोजक कासिनाथ पोख्रेलले अभियानलाई संयोजन गर्ने काम गर्नु भएको छ ।

यो पनि पढ्नु होस्ः

कस्तो रह्यो दाङमा संगठनात्मक अभियान, राजमोले गर्‍यो समीक्षा

दाङ देउखुरीमा संगठन विस्तार जारी

दाङमा सातवटा टोली बनाएर सदस्यता वितरण तिब्र

दाङमा यसरी सुरु भयो संगठनात्मक अभियान