तौलिहवा । कपिलवस्तुको शिवपुर नगरपालिका–५ मा राष्ट्रिय जनमोर्चाको वडा भेला सम्पन्न भएको छ ।
राजमो शिवराज नगर समितिका अध्यक्ष केहरसिंह पुनको प्रमुख आतिथ्यमा २०८० साउन २७ गते शनिबार चन्द्रौटामा उक्त कार्यक्रम सम्पन्न भएको हो ।
भेलाले बेगम बुढामगर अध्यक्ष रहनुभएको १३ सदस्यीय वडा समिति गठन गरेको छ ।
समितिको उपाध्यक्षमा तिलक गैरे, सचिवमा अजय अधिकारी, कोषाध्यक्षमा तारादेवी घर्तीमगर तथा सदस्यहरूमा हुमबहादुर कुँवर, बुदै थारू, उजिल गिरी, ज्ञानबहादुर थापा र राधेश्याम भुसाल रहनुभएको छ ।
त्यसैगरी समितिको वैकल्पिक सदस्यहरूमा जितबहादुर घर्ती र देवा जिसी तथा सल्लाहकारमा प्रेमनारायण आचार्य, भूवन खनाल, नेत्रविक्रम जिसी र सुकदेव पासी रहनुभएको छ ।
भेलालाई राजमो जिल्ला सल्लाहकार केरसिंह अदैले राजमोको कपिलवस्तुको आगामी भदौ २२ र २३ गते हुने पाँचौँ जिल्ला सम्मेलनबारे चर्चा गर्नुभएको थियो ।
बेगम बुढाको अध्यक्षतामा सम्पन्न उक्त भेलालाई जातीय समता समाज शिवराज नगर अध्यक्ष मोहन विकले बधाई दिनुभएको थियो ।
भेलाको सञ्चालन अजय अधिकारीले र स्वागत हुमबहादुर कुँवरले गर्नुभएको थियो ।
