नयाँदिल्ली । भारतले चन्द्रमाको सतहमा मानवरहित अन्तरिक्ष यान अवतरण गर्ने प्रयासलाई निरन्तरता दिँदै चन्द्रयान–३ प्रक्षेपण गरेको छ ।
भारतको दक्षिणी राज्य आन्ध्र प्रदेशको श्रीहरिकोटाबाट चन्द्रयान–३ (रकेट) अन्तरिक्ष यान लिएर उडेको हो ।
यसअघि रुस, अमेरिका र चीनले मात्र चन्द्रमाको सतहमा नियन्त्रित अवतरण गरेका थिए ।
चन्द्रमामा यान प्रक्षेपण गर्ने भारतको अन्तिम प्रयास ग्राउन्ड कन्ट्रोलले रकेट अवतरण गर्नुभन्दा केही क्षणअघि सम्पर्क गुमाएपछि चार वर्षअघि असफल भएको थियो ।
यदि भारतीय अन्तरिक्ष यानको बाँकी भाग योजनाअनुसार अघि बढ्यो भने चन्द्रयान–३ अगस्ट २३ देखि २४ को बिचमा चन्द्रमाको सानो खोजी गरिएको दक्षिणी ध्रुवनजिकै सुरक्षित रूपमा हुने छ ।
प्रधानमन्त्री मोदीको ट्विट
यसैबिच, फ्रान्स भ्रमणमा रहेका भारतीय प्रधानमन्त्री नरेन्द्र मोदीले ट्विट गर्दै यो मिसनले “हाम्रो राष्ट्रको आशा र सपना” बोकेको बताउनुभयो ।
भारतीय अन्तरिक्ष अनुसन्धान सङ्गठन (इसरोे) द्वारा बनाइएको चन्द्रयान–३ अन्तरिक्ष यानमा विक्रम नामको ल्यान्डर र ज्ञानको लागि संस्कृत शब्द प्रज्ञान नामको रोभर समावेश गरिएको छ ।
अभियानले सफलता पाएमा चन्द्रमाको दक्षिणी सतहलाई छोएपछि रोभरले विक्रमलाई रोल गर्ने छ† नजिकैको क्षेत्र अन्वेषण गर्ने छ र यसको विश्लेषणको लागि पृथ्वीमा छवि फिर्ता पठाउनका सङ्कलन गर्ने छ ।
रोभर एक चन्द्र दिन वा पृथ्वीको १४ दिनको अभियानका लागि काम गर्न सक्षम रहने भारतीय अन्तरिक्षविद्ले बताएका छन् । (रासस/एएफपी)
