सन्तोष सुनार, सन्धिखर्क ।
असार १५ गते धान दिवसको अवसर पारेर अखिल नेपाल महिला सङ्घ सन्धिखर्क नगरपालिका वडा नं. २ वडा समितिको आयोजनामा भेला तथा प्रशिक्षण कार्यक्रम सम्पन्न भएको छ ।
२०८० असार १५ गते सम्पन्न उक्त कार्यक्रमको प्रमुख अतिथि महिला सङ्घकी महासचिव सकुन्तला राना हुनुहुन्थ्यो ।
कार्यक्रममा अखिल नेपाल ट्रेड युनियन महासङ्घ (अन्टुक) का उपाध्यक्ष गोविन्द बिसी, अखिल नेपाल जनजाति सम्मेलनकी सचिव उषा पुन, राष्ट्रिय जनमोर्चाका जिल्ला अध्यक्ष थम्मन केसी, महिला सङ्घकी जिल्ला कोषाध्यक्ष मीना बिसी, अन्टुकका जिल्ला उपाध्यक्ष उषा बस्नेत, राजमो सन्धिखर्ककी नगर सदस्य यमकला बन्जाडे, नगर सदस्य तिला थापालगायतको उपस्थिति रहेको थियो ।
दहीचिउरा खाँदै नाचगानसमेत गरिएको उक्त कार्यक्रममा महासचिव सकुन्तला रानाले प्रशिक्षण दिनुभएको थियो ।
शारदा खनालको अध्यक्षता तथा रिता बन्जाडेको सञ्चालनमा अघि बढेको उक्त कार्यक्रममा उपस्थित सहभागीलाई वसन्ता खनालले स्वागत गर्नुभएको थियो ।
कार्यक्रमको अवसर पारेर राजमो जिल्ला कार्यालयअगाडि रहेको प्राङ्गणमा फूलका बिरुवा लगाइएको थियो ।
