काठमाडौं । मकवानपुरको हेटौँडामा बस दुर्घटना हुँदा ३७ यात्रु घाइते भएका छन् ।

शुक्रबार दिउँसो पूर्व–पश्चिम राजमार्ग अन्तर्गत हेटौंडा ११ मा ना ६ ख ९८०४ नम्बरको बस दुर्घटना भएको हो ।

नारायणगढबाट जनकपुरतर्फ जाँदै गरेको सो बस सडकबाट करिब एक सय मिटर तल खसेको हो। घाइते मध्ये १० जनाको हेटौंडा–११ मा रहेको चुरेहिल अस्पतालमा र २७ जनाको हेटौंडा अस्पतालमा उपचार भइरहेको प्रहरीले जनाएको छ ।

सो स्थानमा सडक निर्माणको काम भैरहेकोले चालक झुक्किएको हुनसक्ने प्रहरीको अनुमान छ ।

दुर्घटनाका विषयमा थप अनुसन्धान भैरहेको बताउँदै उनले चालक सम्पर्कमा नआएको बताए ।