लक्जेमबर्ग । युरोपेली सङ्घ (इयु) ले वाग्नर सङ्कटबाट रुस कमजो बनिरहेको दाबी गरेको छ ।
युरोपेली सङ्घका विदेशनीति प्रमुख जोसेप बोरेलले यस्तो दाबी गर्नुभएको हो ।
उहाँले भन्नुभयो– ‘यो सप्ताहान्तमा जे भएको छ, त्यसले युक्रेन विरुद्धको युद्धले रुसी शक्तिलाई ध्वस्त पारिरहेको छ र यसको राजनीतिक प्रणालीलाई प्रभावित गरिरहेको छ भन्ने देखाउँछ ।’
‘रुस जस्तो आणविक शक्ति अस्थिरताको चरणमा जान सक्छ भन्ने कुरा पक्कै पनि राम्रो होइन । यो पनि ध्यानमा राख्नुपर्ने कुरा हो’ बोरेलले पत्रकारसँग भन्नुभयो ।
सबैभन्दा महत्त्वपूर्ण निष्कर्ष रुसी राष्ट्रपति भ्लादिमिर पुटिनले युक्रेन विरुद्ध सुरु गरेको युद्ध र पुटिनले वाग्नरसँग मिलेर बनाएको अस्वभाविक गठजोडले पुटिन स्वयम्प्रति औँला ठडाएको उहाँको विचार थियो ।
बोरेलले भन्नुभयो– ‘अस्वाभाविक शक्ति संरचनाले आफ्ना सर्जक विरुद्ध काम गरिरहेको छ, राजनीतिक प्रणालीले कमजोरी देखाइरहेको छ र सैन्य शक्ति ध्वस्त भइरहेको छ ।’
लक्जेम्बर्गमा भएको आफ्नो नियमित बैठकमा इयुका विदेशमन्त्रीहरू विद्रोहबाट उत्पन्न परिणामको मूल्याङ्कन गर्दै यसलाई स्वाभाविक परिणाम बताएका छन् ।
स्वीडेनका विदेशमन्त्री टोबियास बिलस्ट्रोमले अशान्ति रूसको आन्तरिक मामिला भएको बताउनुभयो ।
उहाँले सबैभन्दा महत्त्वपूर्ण कुरा भनेको युक्रेनलाई समर्थन गर्नु रहेको बताउँदै पछिल्ला परिणामले युक्रेनले आफ्नो भूभाग फिर्ता लिन सक्ने पुष्टि गरिरहेको बताउनुभयो । (रासस/एएफपी)
