काठमाडौँ । नेपाली काङ्ग्रेसनिकट नेपाल ट्रेड युनियन काङ्ग्रेसको अध्यक्षमा योगेन्द्रकुमार कुँवर निर्वाचित हुनुभएको छ ।
आज २०८० असार ७ गते सम्पन्न काङ्ग्रेसको सातौँ राष्ट्रिय महाधिवेशनमा उहाँ अध्यक्ष बन्नुभएको हो ।
अधिवेशनले वरिष्ठ उपाध्यक्षमा तेजेन्द्रजङ्ग कार्की, उपाध्यक्ष खुलातर्फ गणेशबहादुर केसी र ज्योति कोइराला, महिला उपाध्यक्षमा राधिका कुइँकेल खनाल, उपाध्यक्ष (सेवा) नेत्रविक्रम थापा, उपाध्यक्ष (उत्पादन) ललितबहादुर श्रेष्ठ, उपाध्यक्ष (अनौपचारिक तथा स्वरोजगार) राजेश पालिखेलाई चयन गरेको छ ।
त्यस्तै, महासचिवमा अजयकुमार राई, उपमहासचिव (खुला) मा बलदेव तामाङ, जनार्दन भट्टराई, महिला उपमहासचिव सुशीला घिमिरे, उपमहासचिव (सेवा) देवदत्त बडु, उपमहासचिव (उत्पादन) कुलबहादुर खड्का, उपमहासचिव (अनौपचारिक तथा स्वरोजगार) रुक्मणि थापा (अर्चना), कोषाध्यक्षमा सञ्जयकुमार दाहाल र सहकोषाध्यक्षमा रशमाया गुरुङ निर्वाचित हुनुभयो ।
एवम् प्रकारले खुला सदस्यमा कमलबहादुर खत्री, कमलकुमार विष्ट, घनश्याम चापागाईं, टेकबहादुर सार्की, माधवप्रसाद उपाध्याय, विष्णुप्रसाद अधिकारी र सुजितविक्रम शाह, महिला सदस्यमा उर्मिलाकुमारी ढकाल पोखरेल, कविता अर्याल, ताराकुमारी राई कार्की, समिता कोइराला, शान्ति धाँमी र शान्ति सिंह (शाह) विजयी हुनुभएको छ ।
महाधिवेशनले युवा समिति, महिला समितिसमेत चयन गरेको छ ।
बुधबार राति भएको मतदानमा देशभरका आठ सय ८० महाधिवेशन प्रतिनिधिले मतदानमा भाग लिएका थिए । निर्वाचनबाट पदाधिकारीसहित ४९ सदस्यीय कार्यसमिति चयन गरिएको छ ।
