काठमाडौं । प्रधानमन्त्रीसमेत रहेका नेकपा माओवादी केन्द्रका अध्यक्ष पुष्पकमल दाहाल प्रचण्डविरुद्धको बालसेना प्रयोगसम्बन्धी परेको मुद्दा दर्ता हुने भएको छ । शुक्रबार न्यायाधीश डा. आनन्दमोहन भट्टराईको इजलासले दर्ता गर्न आदेश दिएको हो।

माओवादीकै पूर्वबाल सेनासमेत रहेका विष्टले जनयुद्धका क्रममा बालसेना प्रयोग अन्तर्राष्ट्रिय मानवीय कानुनविपरीतको कार्य भन्दै रिट हालेका थिए।
यसअघि सर्वोच्च अदालत प्रशासनले दरपीठ गरिदिएपछि विष्टले दर्ताका लागि अन्तरिम आदेश माग गरेका थिए।

उक्त रिटमा विष्टले तत्कालीन माओवादी अध्यक्ष प्रचण्ड र वरिष्ठ नेता डा. बाबुराम भट्टराईसहितका नेताहरुलाई विपक्षी बनाएका छन्।