काठमाडौं । पूर्वसभामुख तथा पूर्वमहान्यायधिवक्ताहरुले नागरिकता विधेयक विवादबारे अब सर्वोच्च अदालतबाटै निरुपण हुने बताएका छन् ।
सभामुख देवराज घिमिरेले नागरिकता विधेयक प्रमाणीकरण लगायतका विषयमा शनिबार पूर्वसभामुख र पूर्वमहान्यायाधिवक्ताहरुसँग गरेको छलफलका क्रममा उनीहरुले यो विषय बहसको विषय भएको बताएका थिए ।
सिंहदरवारस्थित सभामुखको कार्यकक्षमा भएको छलफलमा पूर्वसभामुखद्वय तारानाथ रानाभाट र अग्निप्रसाद सापकोटा सहभागी थिए।
पूर्वसभामुखहरुले पक्ष÷विपक्षमा राजनीतिक दलहरुले नै बहस गर्ने बताउँदै सभामुखले संविधान, नियमावली र प्रचलित अभ्यास अनुसार भूमिका निर्वाह गर्नुपर्ने बताएका थिए ।
सभामुखले पूर्वसभामुखभन्दा अगाडि पूर्वमहान्यायाधिवक्ताहशसँग पनि छलफल गरेका थिए।
छलफलमा पूर्वमहान्यायाधिवक्ताहरु अग्नि प्रसाद खरेल, रमेश बडाल, मुक्तिनारायण प्रधान र प्राडा भरतबहादुर कार्की सहभागी थिए।
पूर्वमहान्यायाधिवक्ताहरुले पनि नागरिकता विधेयक प्रमाणीकरण बहसको विषय भएको बताउँदै न्यायिक निरुपण सर्वोच्च अदालतले गर्ने उल्लेख गरे।
