विष्णु शर्मा ##

अहिले खुल्दै छन् ठगका पोलहरू
उघारिँदै छन् सिरकबाहिरका खोलहरू ।
उदाङ्गो हँुदै छन् भ्रष्टाचारीका कुकर्महरू
चिरिँदै छन् ठुला पार्टी भन्नेका भ्रमहरू ।।

भागाभाग हुँदै छ ठगी गर्नेहरूको
मुटु काप्न थाल्यो भ्रष्टाचारीहरूको ।
देशविदेश खोजी हुँदै छ नेताहरूको
तहसनहस हुँदै छ फेटाहरूको ।।

पार्टीहरू बचाउमै लागिपरे
लाजै नमानी गुहार पनि मागे ।
ऐले कार्बाही गरे लाज पचाउनलाई
भ्रष्टाचार निर्मूल ? पार्टी बचाउनलाई ।।

सही विषयको पक्षमा मुक्तकण्ठ खोल्नुपर्छ
अपराधी काखी च्याप्दा कार्यकर्ता बोल्नुपर्छ ।
भ्रष्टाचार नामक विषालु रोग कहाँबाट आयो ?
यसैले त देशको हालत सधैँ उधो लायो ।।

यसको विरुद्धमा भण्डाफोर गर्नुपर्छ
‘यस सर’ प्रवृत्तिलाई अब तोड्नुपर्छ ।
अपराध सानो भए नि बचाउनु हुन्न
अनाहकमा निर्दोषलाई फसाउनु हुन्न ।।

भित्र भित्र नेताहरूको सेटिङ चलिरा’छ
थाहा छैन जनतालाई त्यहाँ के के भा’छ ?
बार्गेनिङ गरी बचाइनुहुन्न अपराध गर्नेलाई
सम्मान गर्नुपर्छ अन्याय विरुद्ध बोल्नेलाई ।।

अपराधी सबैलाई कानुनको दायरामा लिनुपर्छ
वास्तविक गल्ती पहिचान गरी सजाय दिनुपर्छ ।
थालनी भो अनुसन्धान पछि हट्नुहुन्न
माफियाको सुरमा कोही पनि बच्नुहुन्न ।।

बच्यो भने अपराधी सडक तात्ने छ
नबाँचे देशको एउटा सङ्कट हट्नेछ ।
हुनुपर्छ दुधको दुध र पानीको पानी
सही फैसला भए हुन्न देशमा हानि ।।